Norskekysten på langs med MS Sunnhordland

Frå Tromsø til Bergen 20. – 25. September 2020

VIKTIG INFO:  Alle bestillinger og henvendelser  går gjennom www.runway-norway.no.

Program for turen 20. – 25. september 2020

Dag 1, søndag 20.09.   

Frammøte på Bergen lufthamn, Flesland kl. 12.00. Møt reiseleder og vi sjekker inn med Widerøe og har avgang kl. 14.35. Vi flyr direkte og landar i Tromsø kl. 16.35.

NB! Flybilletten er ikkje inkludert i turprisen med Sunnhordland. Prisen på flyreisa kjem i tillegg og står under tillegg. Dette då det kan vera nokre som vil reisa til Tromsø før 20. september.

I Tromsø ventar bussar og lokale guidar for å køyra byrundtur og vi får sjå noke av Ishavsbyen eller Nordens Paris som den og vert kalla før vi er på kaien og klare til å gå om bord i veteranskipet «Sunnhordland». Tildeling av lugarar og middag om bord før vi kaster loss og set kursen sørover kl. 20.00. Om bord hygger vi oss før det er natt.

Dag 2, måndag 21.09. 

Vi får servert frukost og kl. 10.00 kjem vi til Vesterålen og Stokmarknes. Her kan vi gå på land og besøkja Hurtigrutemuseet som ligg 3 – 4 minuttars gange frå båten. Det var her det heile starta med Hurtigruten og suksessen med kystruta mellom Bergen og Kirkenes. Tid for å spasera rundt i Stokmarknes før vi seilar vidare kl. 12.00. Turen no går gjennom Raftsundet og vi prøver inn i Tollfjorden som er ei stor oppleving. Vidare til Svolvær, Lofotens hovudstad, der vi legg til kai tidleg ettermiddag. Det er mogeleg å melda seg på utflukter. Det er eige utfluktsprogram der vi tilbyr ymse utflukter i Lofoten. Dette programmet er klart rundt 6. august. Vi ligg i ro i Svolvær om natta.

Dag 3, tysdag 22.09.   

Vi tilbyr fleire utflukter i Lofoten og det mulig å rusle rundt i Svolvær på eiga hand. Vi tilbyr mellom anna utflukt som går sørover i Lofoten og denne ender i Stamsund. Om ettermiddagen seilar vi frå Svolvær og vi er innom Stamsund seinetermiddag og plukkar opp dei som har vært på utflukt sørover i Lofoten. Vi inntek vår middag rett etter avgang frå Stamsund.

Dag 4, onsdag 23.09.

Vi seilar langs Helgelandskysten om morgonen og kjem til Brønnøysund ved lunsjtider. Ute i vest er verdensarvstaden Vega og Ylvingen. I Brønnøysund tilbyr vi utflukt til fjellet Torghatten og til Norsk Havbrukssenter. Det er tid til å rusle rundt i byen og ein tur i hovudgata der det er kafé med eigen sjokolade er å anbefala. og lokal mat. Det er i dag vi seglar forbi den kjente fjellkjeda Dei sju søstre. Vi høyrer og i dag historier og segn frå området, særleg om Torghatten. Sein ettermiddag dreg vi vidare sørover. Vi inntek vår middag og hygger oss utover kvelden med godt samvær.

Dag 5, torsdag 24.09.

Etter å ha seilt langs Trøndelagskysten om natta, seilar vi forbi både Hitra og Smøla før vi kjem til Kristiansund kl. 12.00. Her tilbyr vi utflukt på den berømte Atlanterhavsveien. Kanskje og ein tur innom Bud for å smaka på fiskesuppa som dei er blitt berømt på. Vårt skip seilar til Molde der gjestene frå utflukta på  Atlanterhavsveien vert plukka opp. Middagen vert servert og vi seilar frå Molde om kvelden. Hygge og underhaldning om bord og ferda går sørover langs Vestlandskysten.

Dag 6, fredag 25.09.

Frukost og lunsj om bord og vi kan oppsummera turen på vegen mot Bergen. Vi legg til kai om ettermiddagen ved Flesland og buss kjører opp til flyplassen dersom nokre har parkert bil der og bussen kjører vidare inn til sentrum og busstasjonen. «Sunnhordland» seglar videre til Stord og si heimehamn.

AVGANGSDATO:     20. september 2020 – 6 dager
Returdato:                 25. september 2020

Pris pr. person frå:  kr. 14.998,-

TURPRISEN INKLUDERER:

• Reisen med MS «Sunnhordland» i klassisk lugar med 2 køyer med dusj og toalett på gangen
• Transport fra flyplassen til skipet og bysightseeing i Tromsø
• Full pensjon om bord
• Lett musikalsk underholdning på turen
• Reiseledere fra Runway-Norway og guiding langs kysten
• Konkurranser og informasjon om bord

TILLEGG PR. PERSON:

• I lugar med 2 køyer og egen dusj og toalett: kr. 1.100,-
• I lugar med dobbelseng og egen dusj og toalett      kr. 4.100,-
• I enkel lugar med egen dusj og toalett                      kr. 3.100,-
• Flyreise Bergen – Tromsø                                     kr. 1.700,-

VIKTIG INFO:  Alle bestillinger og henvendelser  går gjennom www.runway-norway.no.

Jan H. Sunde

RunWay-Norway AS

mobil:  +47 901 14 896

VIKTIG INFO:  Alle bestillinger og henvendelser  går gjennom www.runway-norway.no.

Jan H. Sunde

RunWay-Norway AS

mobil:  +47 901 14 896